dam3et_ta2eba Admin
64 27/07/2009 33
| موضوع: كرسى الاعتراف الأربعاء أغسطس 12, 2009 7:20 am | |
| كرسى الاعتراف هيقعد عليه كل واحد فينا بس هيعترف لنفسه مش لينا ويجاوب جواه على الأسئلة دى ويواجه نفسه وطبعا هنلاقى أسئلة كتير مش قادرين نجاوب عليها ونخجل من نفسنا -ماذا تعرف عن دينك؟؟؟؟؟؟ -يا ترى تعرف ايه عن دينك وأحكامه وأوامره؟؟ -هل فكرت مره تجيب تجيب كتاب فقه وتقرأ فيه عشان تتعرف أكتر على دينك وتكون ملم بكل أموره؟؟؟ -ولا مكتفى بالمعلومات البسيطه اللى بنتوارثها من الأهل وبنعرفها فى المدرسه وبتقول ماهو كل الناس كدا يعنى هوا أنا بس,,, ومشغول وغرقان فى هموم الدنيا ومشاكلها وناسى انك أصلا اتخلقت عشان تعبد ربنا وتصلح الكون -تعرف انك لو تعمقت أكتر فى أصول دينك وحكمه هتلاقى ان حاجات كتير كنت بتعملها غلط وانت فاكر انها صح أخطاء برده تواراثناها وعمرنا مافكرنا نتأكد منها ونرجع للكتب ونعرف اذا كانت صح ولا لأ -ماذا تعرف عن رسولك"عليه أفضل الصلاة والسلام"؟؟؟؟؟؟ -تعرف ايه عن رسولك؟؟؟؟ اللى اتعذب واتألم وحارب عشان انت تنعم بنعمة انك تتولد مسلم(((النعمة اللى فى ناس كتير ناسيينها وساهيين عنها)) وعشان يوصل للعالم رسالة رب العالمين الرحيم الغفور -تعرف ايه عن حياته وزوجاته والصحابه؟؟؟ -تعرف ايه عن سنته اللى المفروض انك تتبعها وتاخدها منهج فى حياتك؟؟ -قال رسول الله صلى الله عليه وسلم " تركت فيكم ما ان تمسكتم به لن تضلوا بعدى أبدا كتاب الله وسنتى" -ما علاقتك بالقرآن الكريم؟؟؟؟؟ -يا ترى بتقعد كام يوم متمسكش المصحف ولا تقرأ فيه؟؟؟ -ولما بتقرأ فيه بتفكر تفهم معانيه كويس وتفسيرها والآيات دى نزلت ليه ومعناها ايه ولا بتقرأ وخلاص زى أىحد برده؟؟ -ناسى ان الكتاب الكريم ده هو اللى فيه منهج حياتك كلها ولازم تفهم اللى فيه كويس عشان تعيش صح زى ما أمرك ربك!!! - لحد امتى هيفضل القرآن الكريم مهجور؟؟؟ -قال تعالى " وقال الرسول يارب ان قومى اتخذوا هذا القرآن مهجورا" ياريت كلنا نسأل نفسنا الأسئلة دى ونعرف احنا ليه معندناش اجابه ليها لازم بجد نواجه نفسنا
يارب الموضوع يعجبكو,,,,,, تقبلوا تحياتى | |
|
7oda1 Admin
13 05/08/2009 36
| موضوع: رد: كرسى الاعتراف الأربعاء أغسطس 12, 2009 3:45 pm | |
| [img][/img] يعجنا بس دا ممتاز ماشاء الله فعلا لازم نحاسب نفسنا فى الدنيا قبل حساب الآخرة شكرا ليكى يا دمعة مجهودك رائع ننتظر المزيد | |
|
dam3et_ta2eba Admin
64 27/07/2009 33
| موضوع: رد: كرسى الاعتراف الأربعاء أغسطس 12, 2009 9:26 pm | |
| شكرا يا محمود وجزاك الله خيرا نورت الموضوع | |
|
shosho عضو نشيط
53 27/07/2009
| موضوع: رد: كرسى الاعتراف الخميس أغسطس 13, 2009 5:38 am | |
| فعلا يا مي موضوع اكثر من رائع يستحق التميز طبعا عندك حق في كل كلمه احنا لازم نحاسب نفسنا شكرا ليكي علي مجهودك المميز | |
|
dam3et_ta2eba Admin
64 27/07/2009 33
| موضوع: رد: كرسى الاعتراف الخميس أغسطس 13, 2009 9:13 pm | |
| شكرا ليكى يا شوشو تسلمى وانت كمان مجهودك رائع فى المنتدى | |
|